welcome from sawkyawkyaw.blogspot.com
  • Home
  • about IT
  • Virus
  • Gmail
  • G-talk
  • Blogspot
  • Karen song
  • Curlture
  • Saturday 27 August 2011

    ကရင် ရိုးရာ အရိုးကောက် ပွဲ

    ကရင့်ရိုးရာဓလေ့ အရိုးကောက်ပွဲ

                                                                                                     
    အရိုးကောက်ပွဲဆိုတာ    လူသေအလောင်းကို မီးရှို့သင်္ဂြိုပြီးတဲ့နောက်ကျန်ခဲ့တဲ့အရိုးတွေကို   ပြန်ကောက်ပြီး နောက်ဆုံးအနေနဲ့ သေဆုံးသူရဲ့ဝိညာဉ်ကိုပြန်ခေါ်တဲ့
    သဘောလုပ်ပြီး သူနဲ့အတူ မိသားစုဆွေမျိုးတွေ အတူတကွ စားသောက်ပြီး ပျော်ပွဲရွှင်ပွဲတွေ
    ပြုလုပ်ကြတာဖြစ်ပါတယ်။
    အရိုးကောက်ပွဲကျင်းပတဲ့အခါမှာ ဒုံးအက၊ အော်ပွဲ၊ အရိုးရေစက်ချပွဲတွေလုပ်ပြီး
    အရိုးပြာတွေကို အရိုးတောင်ဆီပို့ဆောင်တာနဲ့ အတူ ကျွေးမွေးဧည့်ခံပွဲတွေကို ပြုလုပ်ကြပါတယ်။
    အရိုးကောက်ပွဲကို တောင်ပေါ်ကရင်တွေရော မြေပြန့်ကရင်တွေပါ လုပ်ကြပါတယ်။
    အရိုးကောက်တဲ့သဘောကတော့ သေဆုံးသူရဲ့ဝိညာဉ်ကို အိမ်ကိုပြန်လာပြီး ပျော်ရွှင်ဖို့
    အိမ်ကိုခေါ်လာတဲ့ သ ဘောဖြစ်ပါတယ်။ လူတစ်ဦးတစ်ယောက်သေဆုံးပြီဆိုရင် အသုဘကိုအရင်ချပါတယ်။ အရိုးကောက်ပွဲကိုတော့ အသုဘချပြီးနောက်မှာမှ သီးသန့်လုပ်လေ့ရှိပါတယ်။
    များသောအားဖြင့်တော့ တပို့တွဲလကနေ ကဆုန်လအတွင်းမှာလုပ်လေ့ရှိပါတယ်။ ဒီလိုလုပ်တဲ့အချိန်မှာလည်း လဆန်းရက်တွေမှာမလုပ်ပဲ လဆုတ်ရက်တွေမှာသာ လုပ်လေ့ရှိပါတယ်။


    အရိုးကောက်ပွဲလုပ်တဲ့နေ့မှာ ညနေ(၃း၀၀)နာရီကစပြီး အရိုးကောက်လေ့ရှိပါတယ်။ အရိုးသွားကောက်တဲ့အချိန်မှာ လူအရေအတွက်ဟာ မ ဂဏန်းဖြစ်ရပြီး သေသူရဲ့ဆွေမျိုးတွေမဟုတ်ရင် ရင်းနှီးခင်မင်တဲ့ ယောကျာင်္းကြီးတွေဖြစ်ရမယ်။ အရိုးကောက်သူတွေကလည်း အိမ်ကနေထွက် သွားတဲ့အချိန်ကစပြီး ပြန်လာတဲ့အချိန်ထိ လမ်းတစ်လျှောက်မှာ ဘယ်သူနဲ့မှ စကားမပြောရပါဘူး။ ဒါပေမဲ့ အရိုးကောက်သူတွေ အချင်းချင်းတော့ စကားပြောလို့ရပါတယ်။ တကယ်လို့ အပြင်လူနဲ့စကားပြောခဲ့ရင် အလှူအိမ်နဲ့ ရပ်ရွာကို ထိခိုက်တတ် တယ်လို့ရှေး အယူအဆရှိကြပါတယ်။ အရိုးကောက်သူတွေပြန်လာတဲ့အခါ ရွာမှာကျန်ခဲ့တဲ့ သူတွေက မဂဏန်းအဖြစ်နဲ့ ပြန်လာသူ ကိုသွားကြိုရပြီး စောင့်ကြိုသူအရေအတွက်ဟာ ပြန်လာသူထက်များရပါတယ်။ စောင့်ကြိုတဲ့အခါမှာ အရက်(၂)ပုလင်းနဲ့ တုတ်၊ ဓါး လက်နက်များကို ကိုင်ဆောင်ရပြီး ရွာဝင်လမ်းကို ပိတ်ထားရပါတယ်။ ဆူညံဆူညံအော်ဟစ်ပြီး ပြန်လာသူကို လူကောင်းလား၊ လူ ဆိုးလားမေးရပါတယ်။ ပြန်လာသူတွေကလည်း လူကောင်းပါ လို့ဖြေပြီးမှ ရွာထဲကို ၀င်လာရပါတယ်။ ရွာထဲမ၀င်လာခင်ထွက်ကြိုသူများက အရိုးကောက်သူများနှင့်အတူတူ အရက်ထိုင်သောက်ကြပါတယ်။
    ဒီလိုသောက်တာဟာ သစ္စာရေသောက်တယ်လို့ သဘောထားကြပါတယ်။
    အရက်သောက်ပြီးတဲ့အချိန်မှာ အရိုးကောက်သူများကို မိတ်ဆွေကောင်းလို့သတ်မှတ်ပြီး ရွာဝင်လမ်းကို ဖယ်ပေးပါတယ်။
    ရွာထဲဝင်လာတဲ့အခါ အရိုးပလိုင်းကို အဆင့်သင့်ဆောက်ထားတဲ့ အရိုးစင်ပေါ်မှာတင်ထားရပြီး အရိုးပလိုင်း မပျောက်အောင်လည်း စောင့်ရှောက်ရပါတယ်။ အဲဒီနောက် ရိုးရာနတ်ကို ပထမဦးဆုံး ကျွေးမွေးရပြီး တခြားနတ်များဖြစ်ကြတဲ့ ဓူဝေနတ်၊ ရွာစောင့်နတ်နဲ့ ဘိုးဘွားမိဘများကို ကျွေးရပါတယ်။
    မိသားစုအိမ်သူအိမ်သားနဲ့ ဆွေမျိုးတို့ကလည်းရိုးရာ နတ်နဲ့ဘိုးဘွားမိဘ  တို့ ကိုကျွေးပြီး တဲ့အခါ တစ်ခုမကျန် ကြီးစဉ်ငယ်လိုက် အလှည့်ကျသုံးဆောင်ရပါတယ်။
    ပြီးတဲ့အခါ အခြားသူငယ်ချင်းမိတ်ဆွေများကို ကျွေးရပါတယ်။
    အရိုးကောက်ပွဲကို ဘာကြောင့်ကျင်းပရသလဲဆိုတာကို ကရင့်ရိုးရာဓလေ့ကို သုတေသနပြုစုနေတဲ့ ဆရာကလော်လားက အခုလို ပြောပြပါတယ်။
    သေသွားတဲ့သူဟာ ကျွန်တော်တို့ကိုမြင်ပြီးတော့ ကျွန်တော်တို့က သေသွားတဲ့သူကို မမြင်ရဘူးဆိုပြီးယူဆကြတယ်။သူတို့က လည်း ကျွန်တော်တို့နဲ့ဆက်ဆံချင်တိုင်းဆက်ဆံလို့မရဘူး။ အဲဒီတော့ကျွန်တော်တို့ပျော်သလို သူ့ကိုလည်းပျော်စေချင်တယ်။
    အဲဒီတော့ကျွန်တော်တို့ဟာ အမှုမဲ့ အမှတ်မဲ့နေခဲ့လို့ရှိရင် မကောင်းဘူးပေါ့ဗျာ။ သူလည်းပဲ မလွတ်လပ်ဘူး။ အဲဒီတော့ သူ့လမ်းခရီးဟာမချောဘူး။ အဲဒီတော့ သူတို့ပျော်ချင်သလို ကျွန်တော်တို့အပျော်လုပ်ပေးဖို့လိုအပ်တယ်။ဆိုတော့ ကျွန်တော် တို့က သူတို့ကို မမြင်မတွေ့ရပေမဲ့ မြင်တွေ့ရတဲ့သဘောနဲ့ ပျော်ပွဲရွှင်ပွဲတွေလုပ်ပေးရတယ်။ လုပ်တဲ့အချိန်မှာလည်း သူတို့လည့်းကျွန်တော်တို့ကြားမှာရှိနေတဲ့အလား သဘောထားပြီးတော့ပြောရတယ်။ အဲဒီလိုသူပျော်ရွှင်အောင် လုပ်ပေးတဲ့ အတွက်လည်းသူသွားမဲ့လမ်းခရီးဟာ လွတ်လွတ်လပ်လပ်နဲ့ အနှောင့်အယှက်မရှိသွားနိုင်မယ်။
    တကယ်လို့ သူသွားတဲ့လမ်းခရီးမှာ အနှောင့်အယှက်ဖြစ်ပြီး ချောချောမွေ့မွေ့မရှိခဲ့ဘူးဆိုရင် ကျန်ခဲ့တဲ့သူ့မိသားစုတွေကို ပြန် နှောင့်ယှက်တတ်တယ်လို့အယူရှိကြတယ်လို့ ဆရာကလောလားကဆက်ပြောပါသေးတယ်။
    အရိုးကောက်ပွဲကို ညလုံးပေါက်ကျင်းပပြီးတဲ့အချိန် မနက်မှာတော့ ဘုန်းကြီးကျောင်းတွေမှာဆွမ်းကပ်လှူဒါန်းပြီး ဘုရားမှာရေစက်ချပါတယ်။ သေသူကိုအမျှပေးဝေပြီး ကောင်းရာဘ၀သို့ရောက်စေရန်အတွက် ဆုတောင်းပေးခြင်းနှင့်အတူ သူသွားလိုတဲ့အရပ်ကို သွားနိုင်ကြောင်း ခွင့်ပြူရပါတယ်။ သံဃာ့ကိစ္စပြီးတဲ့နောက် နတ်ကတော်က အရိုးပလိုင်းလွယ်ပြီး အရိုးစင် ကို ပြန်ပို့ရပါတယ်။အဲဒီမှတစ်ဆင့် ယောကျာင်္းကြီး(၃)ယောက်(သို့)(၅)ယောက်တို့က အရိုးပလိုင်းကို အရိုးတောင်ကို ပို့ရပါတယ်။
    အရိုးတောင်ပို့ပြီး အိမ်ကိုပြန်လာတဲ့အခါမှာ မှတ်မိလွယ်တဲ့သစ်ပင်ကြီးတစ်ပင်ရှေ့ရောက်တဲ့အခါ သေသူလိပ်ပြာကို ရှေ့ကိုဆက်ပြီးမလိုက်ဖို့၊ သစ်ပင်ကြီးကိုကျော်ပြီးမလာဖို့ပြောရပါတယ်။ အရိုးတောင်ပို့ပြီး ပြန်လာသူများကို နတ်ကတော်က လိပ်ပြာပြန်ခေါ်ရပါတယ်။ ကိစ္စအ၀၀ကိုဆောင်ရွက်ပြီးတာနဲ့ အိမ်ရှေ့သံဃာစင်နဲ့ အရိုးစင်ကို ဖျက်ပစ်ရပါတယ်။
    ပြီးတော့ နတ်ကတော်ကို သရော်ကင်မွန်းရည် နဲ့ လက်ဆေးပေးရပြီး ငွေ ငါးမတ်သားပေးပြီး ပူဇော်ရပါတယ်။
    ကရင်လူမျိုးတို့က အကြောင်း အမျိုးမျိုးကြောင့် အချိန်ပြည့်မလုပ်ပေးနိုင်တာကြောင့် ဒီကရင့်ရိုးရာ အရိုးကောက်ပွဲဟာ ကရင်လူမျိုးကြားထဲမှာ တဖြည်းဖြည်းပျောက်ကွယ်လုနီးပါးဖြစ်နေပြီး
    ကရင်ပြည်နယ်နေရာတစ်ချို့တွေမှာတော့ လုပ်ဆောင်မြဲ လုပ်ဆောင်နေဆဲရှိကြောင်း တင်ပြလိုက်ရပါတယ်။



    အခြားသော အာရှ လူမျိုး စုတစ်စု ဖြစ်သော ဂျပန် လူမျိုး တို့ သည်လည်း  အရိုးကောက်ပွဲ ကို ကျင်း ပလေ့ ရှိ သည်။...................

    Friday 26 August 2011

    ကရင်ပြည်နယ် အကြောင်း သိ မှတ်စရာ

    ကရင်ပြည်နယ်နေ့

    ကရင်ပြည်နယ်နေ့

    နိုဝင်ဘာလ (၇)ရက်နေ့သည် ကရင်ပြည်နယ် (ကော်သူးလေ)နေ့ဖြစ်သည်။ ကရင်ပြည်နယ်နေ့ဖြစ်ပေါ်လာပုံမှာ အောက်ပါအတိုင်းဖြစ်လေသည်။
    ဖွဲ့စည်းအုပ်ချုပ်ပုံ အခြေခံဥပဒေအပိုဒ် ၁၈၀(၁)အရ သံလွင်ခရိုင်ကို ကရင်ပြည်နယ်အဖြစ် ပထမအဆင့် သတ်မှတ်ခဲ့သည်။ ၁၉၅၄ ခုဇွန်လ (၁)ရက်နေ့သို့ ရောက်ရှိပြန်သောအခါ သံလွင်ခရိုင်နှင့် ဆက်စပ်နေသော ဒေသများဖြစ်သည့် ဘားအံ၊ သံတောင်၊ လှိုင်းဘွဲ့မြို့များနှင့် ၁၉၅၅ ခုနှစ် ဇူလိုင်လ (၁)ရက်နေ့တွင် ကြာအင်းဆိပ်ကြီး၊ ကော့ကရိတ်မြို့နယ်များ ကရင်ပြည်နယ် အကျယ်အ၀န်းနှင့် ကရင်ပြည်နယ် အုပ်ချုပ်မှုအတွင်းသို. ရောက်ရှိလာခဲ့သည်။ ကရင်ပြည်နယ်၏ အကျယ်အ၀န်းမှာ စတုရန်းမိုင်ပေါင်း (၁၁၀၉၁)ဖြစ်သည်။ ကျေးရွာပေါင်း (၄၆၄)ရွာနှင့် လူဦးရေ (၆၀၀၀၀၀) ခြောက်သိန်းခန့်ရှိလေသည်။ ၁၉၅၆ခုနှစ် ဖေဖော်ဝါရီလ (၂၅)၇က်နေ့တွင် ကျင်းပသော (စုဒ္ဒသမ)၁၄-ကြိမ်မြောက် ကရင်ပြည်နယ်ကောင်စီညီလာခံမှ ကရင်ပြည်နယ်နေ့ သတ်မှတ်ရေးအဆိုကို တင်သွင်းရန် သတ်မှတ်ခဲ့လေသည်။
    ကရင်ပြည်နယ်နေ့ကို သတ်မှတ်ရာတွင် အောက်ပါအချက်များပေါ်တွင် မူတည်၍ သတ်မှတ်ခဲ့သည်။
    (၁) သံလွင်ခရိုင်ကို ကရင်ပြည်နယ် အဖြစ်သတ်မှတ်ပြီး နိုင်ငံတော်သမ္မတက အတည်ပြုလက်မှတ်ထိုးပေးသော နိုဝင်ဘာလ (၇)ရက်နေ့။
    (၂) ဘားအံ၊ လှိုင်းဘွဲ့၊ သံတောင် မြို့နယ်များကို ပထမအကြိမ် ကရင်ပြည်နယ်အတွင်း ပေါင်းစည်းခဲ့သည့် ဇွန်လ-၁ရက်နေ့။
    (၃) ကြာအင်းဆိပ်ကြီး၊ ကော့ကရိတ် မြို့နယ်များကို ဒုတိယအကြိမ် ကရင်ပြည်နယ်အတွင်း ပေါင်းစည်းခဲ့သည့်
    ဇူလိုင်လ-၁ရက်နေ့။

    ဤသုံးရက်နေ့ကို ကရင်ပြည်နယ်နေ့အဖြစ် သတ်မှတ်ရန်စဉ်းစားခဲ့ကြရာ နိုဝင်ဘာလ(၇)ရက်နေ့ကို
    ကရင်ပြည်နယ်နေ့အဖြစ် ရွေးချယ်သတ်မှတ်ခဲ့ကြသည်။
    (၁) ဇွန်လ-၁ရက်နေ့နှင့် ဇူလိုင်လ-၁ရက်နေ့တို့သည် မိုးများရွာသော မိုးရာသီရက်များ ဖြစ်သောကြောင့် အခမ်းနားကျင်းပရန် မသင့်လျော်။
    (၂) နိုဝင်ဘာ-၇ ရက်နေ့သည် ရာသီဥသာယာသော ဆောင်းရာသီနှင့် နွေရာသီဖြစ်သောကြောင့် အခမ်းအနားကျင်းပရန် ကောင်းမွန်သည်။
    (၃) ထိုနေ့ (နိုဝင်ဘာ-၇)တွင် ကရင်ပြည်နယ်နေ့အဖြစ် နိုင်ငံတော်သမ္မတက လက်မှတ်ရေးထိုးခဲ့သည်။
    ဤအကြောင်းများကြောင့် နိုဝင်ဘာလ (၇)ရက်နေ့ကို ကရင်ပြည်နယ်နေ့အဖြစ် သတ်မှတ်၍ တရားဝင်
    ကျင်းပလာခဲ့ခြင်းဖြစ်သည်။

    ကရင်ပြည်နယ်


    ၁၉၆၄ ခုနှစ် ဧပြီလ (၃) ရက်နေ့တွင် ကရင်ပြည်နယ်ကို ကော်သူးလေ ဟုပြောင်းလဲခေါ်ဆိုခဲ့သည်။ ကော်သူးလေ၏ အကျယ်အ၀န်းမှာ စတုရန်းမိုင်စုစုပေါင်း (၁၁.၀၉၁) တစ်သောင်းတစ်ထောင့်ကိုးဆယ်တစ်မိုင် ရှိသည်။ ကရင်ပြည်နယ်သည် မြန်မာနိုင်ငံ၏ အရှေ့တောင်ဖျား၊ မြောက်ဘက် လတ္တီကျု. ဒီဂရီ
    ၁၅.၁၅ (ရေးမြို့နှင့် တတန်းတည်း)နှင့် ဒီဂရီ ၁၉.၁၃(ရေနီမြို့နှင့် တတန်းတည်း)အရှေ့ဘက် လောင်ဂျီတွဒ်ဒီဂရီ ၉၆.၁၅နှင့် ဒီဂရီ ၉၈.၅၅စပ်ကြားတွင် အနောက်မြောက်မှ အရှေ့တောင်ဆီသို့ ခပ်ယွန်းယွန်း ကျဉ်းမြောင်းကွေ့ကောက် ရှည်လျားစွာ တည်ရှိနေသည်။ ကရင်ပြည်နယ်၏ နယ်နိမိတ်မှာ မြောက်ဘက်တွင် ရမည်းသင်းခရိုင်၊ အရှေ့မြောက်ဘက်တွင် ရှမ်းပြည်နယ်နှင့် ကယားပြည်နယ်၊ အရှေ့ဘက်တွင် သံလွင်မြစ်နှင့် ၎င်း၏မြစ်လက်တက် သောင်းရင်းမြစ်တို့အကြားဖြစ်သည့် ယိုးဒယားနိုင်ငံ၊ တောင်ဘက်တွင် ကျိုက္ခမီခရိုင်တွင်ပါ
    ၀င်သော ရေးမြို့နယ်၊ အနောက်ဘက်တွင် တောင်ငူခရိုင်တွင်ပါဝင်သော ရေတာရှည်မြို့ နယ်များ၊ သထုံခရိုင်တွင်ပါဝင်သော ဘီးလင်း၊ သထုံနှင့် ပေါင်မြို့နယ်များ၊ ကျိုက္ခမီခရိုင်တွင် ပါဝင်သော ကျိုက်မရော၊ မုဒုံ၊ ကျိုက္ခမီနှင့် ရေးမြို့နယ်များရှိကြသည်။ ပြည်နယ်အတွင်းရှိ ခရိုင်အလိုက်၊ မြို့နယ်အလိုက် အကျယ်အ၀န်းမှာ သံလွင်(၂၆၆၆)၊ လှိုင်းဘွဲ(၁၇၆၄)၊ ဘားအံ(၁၀၀၇)၊ ကော့ကရိတ်(၁၉၆၃)၊ ကြာအင်း(၁၂၃၈)၊ သံတောင်(၇၀၃)စတုန်းရန်းမိုင် အသီးသီးရှိကြသည်။

    ကရင်ပြည်နယ်၏မြို့တော်သည် "ဘားအံ" မြို့ဖြစ်သည်။

    ကရင်ပြည်နယ်အလံ

    (၁) အလံ၏ပုံစံ-ထောင်မှန်စတုဂံပုံ ဖြစ်သည်။
    (၂) အလံအရောင်-လက်ဝဲဘက်အပေါ်ဘက်ထောင့် အလံ၏သုံးပုံ
    တစ်ပုံနေရာတွင် ကြယ်ဖြူတလုံး၊ ကျန်အပိုင်းတို့တွင် အပြာရောင် အလံ၏
    အလယ်တွင် အဖြူရောင်၊ အလံ၏အောက်ဆုံးပိုင်းတွင် အနီရောင်ဖြစ်သည်။
    (၃) အလံ ပမာဏ အရွယ်အစား
    အလံအကြီးဆုံး ……..အလျား(၉)ပေ၊အနံ(၅)ပေ
    အလံအလတ်စား …….အလျား(၆)ပေ(၆)လက်မ
    အနံ (၃)ပေ (၄)လက်မ
    အလံအငယ်စား ……အလျား(၄)ပေ (၆)လက်မ
    အနံ (၂)ပေ (၆)လက်မ၊
    ။ ။ ။။ အလျား(၃)ပေ
    အနံ(၁)ပေ(၈)လက်မ
    ။ ။ ။။ အလျား(၃)ပေ
    အနံ(၁)ပေ(၈)လက်မ
    ။ ။ ။။ အလျား(၂)ပေ (၆)လက်မ
    အနံ(၁)ပေ (၄)လက်မခွဲ။
    ။ ။ ။။ အလျား(၂)ပေ
    အနံ(၁)ပေ (၁)လက်မ
    ။ ။ ။။ အလျား(၁)ပေ (၆)လက်မ
    အနံ(၁၀)လက်မ
    ။ ။ ။။ အလျား(၁)ပေ
    အနံ(၇)လက်မခွဲ
    ဤသည်တို့ကား ကရင်ပြည်နယ် အလံအရွယ်အစားမျိုးစုံဖြစ်ပေသည်။

    အဓိပ္ပါယ် အနှစ်သာရ
    (၁)အလံ၏ လက်ဝဲဘက် သုံးပုံတစ်ပုံနေရာ တိမ်ထဲမှ ကြယ်ကြီးတစ်လုံးမှာ ပြည်ထောင်စုထဲမှ ပြည်နယ်တစ်ခုဖြစ်ကြောင်း အဓိပ္ပါယ်ဖော်ဆောင်ထားခြင်းဖြစ်သည်။

    (၂)အပြာရောင်သဘောမှာ တည်ကြည်၊ နက်နဲ၊ ငြိမ်းချမ်းသော အမှတ်လက္ခဏာ ဖြစ်သည်။

    (၃)အဖြူရောင်၏ သဘောမှာ ဖြူစင်ခြင်းနှင့် သန့်ရှင်းစင်ကြယ်ခြင်း၏ လက္ခဏာဖြစ်သည်။

    (၄) အနီရောင်၏ သဘောမှာမူ ရဲရင့်ခြင်း၊ သတ္တိရှိခြင်း၊ ဇွဲကောင်းခြင်း၊ သွေးစည်းညီညွတ်ရေး၏ အဓိပ္ပါယ်အနှစ်သာရများကို ဖော်ဆောင်ထားခြင်းဖြစ်သည်။
    ဤသည်တို့ကား ကရင်ပြည်နယ်အလံအကြောင်း ဖြစ်သည်။



    ကရင်ပြည်နယ်တံဆိပ်

    (၁) အလယ်တွင် ဖားစည်မျက်နှာပြင်နှင့် သီလ၊ သမာဓိ၊ သစ္စာ အမှတ်အသား စာလုံးများရေးသားထားသည်။
    (၂) လက်ျာဘက်တွင် ဆင်ရုပ်တုတစ်ခု၊။
    (၃) လက်ဝဲဘက်တွင် ဆင်ရုပ်တုတစ်ခု၊။
    (၄) ဦးထိပ်ဘက်တွင် ခြင်္သေ့ရုပ်တစ်ခု။
    ဤအမှတ်သား၊ ဤစာသား၊ ဤအခြင်းအရာများ ပါရှိသောတံဆိပ်သည် ကရင်ပြည်နယ်တံဆိပ် ဖြစ်သည်။

    အဓိပ္ပါယ်အနှစ်သာရ
    (၁) တံဆိပ်၏အလယ်မှ ဖားစည်မျက်နှာပြင်၏ အဓိပ္ပါယ်မှာ ကရင်အမျိုးသားများ၏ ယဉ်ကျေးမူ့ဘ၀ကို ဖော်ပြထားသော ယဉ်ကျေးမူ့ပစ္စည်းဖြစ်ခြင်း။
    (၂) သီလ၊ သမာဓိ၊ သစ္စာ စာလုံးများ၏ အဓိပ္ပါယ်မှာ ကရင်အမျိုးသားများသည် အကျင့်သီလ ပြည့်စုံကောင်းမွန်ခြင်း၊ ဖြောင့်မတ်တည်ကြည်ရိုးသားခြင်း၊ သစ္စာရှိခြင်းစသော အရည်အချင်းကောင်းများကို ဖော်ပြထားခြင်းဖြစ်သည်။
    (၃) တံဆိပ်၏ လက်ျာဘက်မှဆင်နှင့် လက်ဝဲဘက်မှ ဆင်ရုပ်တို့မှာ ပြည်ထောင်စု မြန်မာနိုင်ငံအတွင်း ကရင်ပြည်နယ်သည် သစ်များကို ဒုတိယအများဆုံး ထုတ်လုပ်နိုင်ခြင်းကို ဖော်ပြထားသည့် အဓိပ္ပါယ်ဖြစ်သည်။
    (၄) တံဆိပ်၏ ဦးထိပ်ပိုင်းမှ ခြင်္သေ့ရုပ်မှာမှု ပြည်ထောင်စုမြန်မာနိုင်ငံ၏ တံဆိပ်တွင် ခြင်္သေ့ရုပ်ပါရှိသည့်အတိုင်း ပြည်ထောင်စုမြန်မာနိုင်ငံ၏ အဖွဲ့ဝင်ပြည်နယ်တစ်ခုဖြစ်ကြောင်း ဖော်ပြထားခြင်းဖြစ်ပေသည်။

    (အမျိုးသားစာပေဆုနှင့် လူ့အခွင့်ရေးဆုရ ဖူ့မောင်စင်ကြယ်၏ ကရင့်ဘ၀ဓလေ့စာအုပ်မှ ဖော်ပြပါသည်။)

    နာမည်ကြီးတဲ့ နတ်သမီး

    နာမည်ကြီးနေတဲ့ နတ်သမီးဗိုင်းရပ်စ် နှင့် hacking prevention

    နာမည်ကြီးနေတဲ့ နတ်သမီးဗိုင်းရပ်စ် နှင့် hacking prevention




    စာအုပ်လေးနဲ့ဖတ်ချင်သူများ ဒီနေရာလေးမှာ ဒေါင်းသွားနိုင်ပါတယ် ။ (size - 156kb pdf )

    ဟိုတလောက blogspot တွေမှာ malware တွေခေတ်စားခဲ့တုန်းကလိုပေါ့ ။ ကျွန်တော်တို့ တတွေမှာ blog list တွေဖြုတ်ရ ၊ ကွန်းမန့်တွေ ဖြုတ်လိုက်ရ ပို့စ်တွေ ဖျက်လိုက်ရနဲ့ အတော်ကြီးကို အလုပ်များခဲ့ပါတယ် ။ အခု လည်း Hacking ဟာ အတော်လေးကို ခေတ်စားလာပြန်ပါပြီ ။ ဒီနေ့ ဘလော့မှာမွှေကြည့်လိုက်တော့ ဘလော့ ဂါအစ်မ အဖြူရောင်နတ်သမီးရဲ့ ဖေ့ဘုတ်အကောင့် ဟက်ခံလိုက်ရတယ် ။ ကျွန်တော်ကိုယ်တိုင်လည်း ဂျူလိုင် ၂၅ ရက်နေ့တုန်းက ဂျီမေလ်းတွေနဲ့ ရွာရဲ့ ဖောင်ဒါ အကောင့်တွေ ခိုးယူခြင်းခံခဲ့ရတဲ့အတွက် ဘယ်လိုခံ စားရမယ်ဆိုတာ ကောင်းကောင်းနားလည်ပါတယ် ။ ဒီနေရာမှာ hack တာကို ခိုးတာမဟုတ်ဘူး နည်းပညာ သာလို့ ငါတို့ ပါ့စ၀ပ်တွေ ရတာ ခိုးတာမဟုတ်ဘူးလို့ တချို့က စောဒကတက်ချင်ပါလိမ့်မယ် ။ လယ်လို နည်းလမ်းကို သုံးသုံး နည်းပညာကို သေလောက်အောင် မိုးပျံနေလောက်အောင် တတ်ပလေ့စေ ။ သူတပါးမ သိအောင် ကိုယ်ပိုင်ပစ္စည်းတစ်ခုကို ယူတာဟာ ခိုးယူခြင်းလို့ပဲ သတ်မှတ်ပါတယ် ။ ထားပါတော့ ကျွန်တော့်မေးလ်တွေ ဖြစ်တဲ့ thettantchocho@gmail.com ၊ kyawminoo.im2@gmail.com ၊ founder.thettantvillage@gmail.com တို့ပျောက်ဆုံးနေပြီး အဲဒါတွေကို secondary ထည့်ထား တဲ့ တခြားမေလ်းတွေ ပါ ပျောက်ဆုံးနေပြီလို့ သိလိုက်ရတဲ့အခါ ကျွန်တော် recover ပြန်လုပ်တဲ့အခါ kyawminoo.im2@gmail.com တစ်ခုပဲ ပြန်ရခဲ့ပါတယ် ။

    Grou.ps ရဲ့ ဖောင်ဒါအကောင့်ကိုတော့ grou.ps ရဲ့ developer တွေအကူအညီ ၊ ပူးတေရဲ့ အကူအညီနဲ့ ပြန်ယူခဲ့ ပါတယ် ။ ထားပါတော့ အစပြန်ဖော်မနေတော့ပါဘူး ။ ကျွန်တော်နားမလည်သေးတာတစ်ခုပေါ့နော် ။ ဘာကြောင့် အဲဒီလိုလုပ်ရတာလဲ ။

    ၁ ။ နာမည်ကြီးချင်လို့လား
    ၂ ။ နာမည်အလွဲသုံးစားလုပ်ချင်လို့လား
    ၃ ။ ငါတို့ဖေ့ဘုတ်အကောင့် ၊ ဂျီမေးလ်အကောင့်တွေ hack နိုင်တယ်ကွဆိုပြီး ဂုဏ်ယူချင်လို့လား
    ၄ ။ လက်တည့်စမ်းချင်တဲ့သဘောလား
    ၅ ။ ရန်ငြိုးရန်စရှိခဲ့လို့ မကျေနပ်လို့လား

    ကဲ ကျွန်တော်သိချင်တာတွေကတော့ အဲဒါတွေပါပဲ ။ နံပါတ် ၁ အရ နာမည်ကြီးချင်လို့ ဆိုရင်လည်းဗျာ ဒိုမိန်းတစ် ခုဝယ် ဟိုစတင် တစ်ခုခုချိတ်ပြီး ကိုယ့်နာမည်ကြီးကို စာမျက်နှာပြည့်သာ ချိတ်ထားလိုက်ကြပေါ့ ။ ဟုတ်ဘူးလား ။ အခုလို အကောင့်တွေ လွှဲပြောင်းယူလိုက်ယုံနဲ့ အဲဒီလူက အဖြူရောင်နတ်သမီးဖြစ်သွားရောလား ။ အဖြူရောင် နတ်သမီးရဲ့ စာအရေးအသား သူငယ်ချင်းတွေရသွားရောလား ။ အဲဒီလူက သက်တန့်ချိုနေရာဝင်လိုက်ယုံနဲ့ သက်တန့်ချို ဖြစ်သွားရောလား ။ သက်တန့်ချိုရဲ့ အတွေးတွေ အရေးအသားတွေရသွားရောတဲ့လား ။ နံပါတ် ၂ အရ နာမည်အလွဲသုံးစားလုပ်ချင်လို့လား ။ နာမည်ဖျက်ချင်လို့ပေါ့နော် ။ အရင်တုန်းကတော့ စီဘောက်တွေမှာ ကိုယ်နာမည်ဖျက်ချင်တဲ့လူရဲ့နာမည်ကို သုံးပြီးလိုက်ဆဲတယ် ။ ပေါက်ကရတွေရေးတယ် ။ အချိန်ကြာလာတော့ စီဘောက်ရဲ့သဘောတရားကိုနားမလည်တဲ့ ဘလော့တချို့ အဲဒီစာရေးသူတွေကို အထင်လွဲလာကြတယ် ။ မှန်တော့ IP စစ်ကြည့်ပေါ့ ။ မသင်္ကာရင် အဲဒီစာရေးသူကို ဆက်သွယ်ပြီး မေးကြည့်ပေါ့ ။ ဒီတော့ ဒီနာမည် အလွဲသုံးစားလုပ်တဲ့ ရည်ရွယ်ချက်ကလည်း အလွန့်အလွန်အောက်တန်းကျတဲ့ လုပ်ရပ်တစ်ခုလို့ ကျွန်တော်က သတ်မှတ်ပါတယ် ။

    နံပါတ် ၃ အရ ဆိုရင် ဂုဏ်ယူချင်လို့လား ` ဟေ့ကောင် ငါအဲဒီဘလော့ဂါ အဲဒီလူရဲ့ ဂျီမေလ်း ၊ ဖေ့ဘုတ် အကောင့် ကို ဒီနေ့ ဟက်နိုင်လိုက်တယ်ကွ ငါမတော်ဘူးလား ´ အဲဒီလို ကြွားလုံးထုတ်ချင်ကြလို့လား ။ အမှန်တော့ ငါသူခိုးတစ်ယောက်ဖြစ်ပါပြီ သူများမသိပဲ သူများအကောင့်တစ်ခုကို ယူမိပါပြီလို့ လောကကြီးကို တရား ၀င် ကြေငြာလိုက်ခြင်းပါပဲ ။ ကိုယ်လုပ်ခဲ့တဲ့ကိစ္စတစ်ခုကြောင့် hacker တွေဟာ ( ဒီနေရာမှာ ဟက်ကာအားလုံးကို မဆိုလိုပါဘူး ။ ကိုယ်ကျိုးအတွက် မဟုတ်ပဲ တစ်ခုခုအတွက် - နိုင်ငံရေး ဖြစ်စေ ၊ စီးပွားရေး ဖြစ်စေ ၊ အများအကျိုးအတွက်ဖြစ်စေ ဒီလိုမျိုးလုပ်ဆောင်ကြတဲ့ Target ရှိတဲ့ ဟက်ကာတွေကိုမဆိုလိုပါဘူး ။ ) ကိုယ့်ရဲ့လုပ်ရပ်ဟာ ခိုးယူခြင်းဆိုတဲ့အရာကို သက်သေပြယုံတင်မကပဲ တစ်ဘ၀လုံးစာအတွက် အမည်း စက်စွန်းထင်းခဲ့ပါပြီ ။ ဘာကိုဖော်ပြသလဲဆိုရင် ကိုယ်လုပ်ခဲ့တဲ့ လုပ်ရပ်တစ်ခုကြောင့် ကိုယ့်ရဲ့ မိဘ ၊ ဆွေမျိုး ၊ အသိုင်း အ၀ိုင်း အားလုံးဟာ ဘာတွေဖြစ်ကုန်ကြပြီလို့ ထင်ပါသလဲ ။ ကိုယ့်ဘာသာတွေးကြည့်နိုင်ပါတယ် ။ ကိုယ်လုပ်နေတာ မှန်နေတာလား ၊ မှားနေတာလား ၊ ကိုယ့်ဦးတည်ချက်ကရော အပျော်သဘောလား အဲဒီအပျော် သဘောကြောင့် သူတပါး ဘယ်လောက်ထိခိုက်သွားပြီလဲ ကိုယ့်ဘာသာရော ကိုယ့်အသိုင်း အ၀ိုင်း တွေရော ဘယ်လောက်ထိခိုက်သွားလဲဆိုတာ ကိုယ့်ကိုယ်ကို Analysis လုပ်ကြည့်ပါဦး ။

    နံပါတ် ၄ အရ လက်တည့်စမ်းချင်လို့လား ။ လက်တည့်စမ်းရအောင် ကျွန်တော်တို့ User အားလုံးဟာ ဟက် ကာတွေ ရဲ့ အစမ်းသပ်ခံတွေမဟုတ်ပါဘူး ။ ဒါဟာ Privacy ကိုထိခိုက် ချိုးဖောက်ကျူးလွန်ခြင်းပါ ။ ဘယ် ရှုထောင့်က ကြည့်ကြည့် ခင်ဗျားတို့ဟာ လူယုတ်မာတွေပါ ။ လက်တည့်စမ်းချင်ရင်ကိုယ့်ကိုယ်ကို ပြန်စမ်းကြပါ ။ ကိုယ်အသက်တမျှ ချစ်ခင်ရတဲ့ သူငယ်ချင်းတွေကို ပြန်စမ်းကြပါ ။ အင်တာနက်မှာ လက်တည့် စမ်းစရာတွေ အမျာကြီးထဲမှ သူတပါး အတွက် ထိခိုက် နစ်နာ မှုများစေမဲ့ အရာမျိုးကို စမ်းသပ်လုပ်ဆောင်ဖို့ မကြိုးစားကြပါနဲ့ ။ Bobby Soxer ရဲ့ သီချင်းထဲကလိုပေါ့ ။ လူဆိုတာ ကိုယ့်အနာဂါတ်ကို ကိုယ်ကိုယ်တိုင်ရိုက်ချိုးခဲ့တာများတယ် ..... အခုနေများ သေသွားခဲ့ရင် ..မင်းနာမည် ကျန်ခဲ့မလား လူ့ပြည်မှာ .. လို့တောင် မေးလိုက်ချင်ရဲ့ ။

    နောက်ဆုံးနံပါတ် ၅ အရ ရန်ငြိုးရန်စ ရှိခဲ့လို့ မကျေနပ်လို့လား ။ ဂျီမေးလ်တို့ ဖေ့ဘုတ်တို့ဆိုတာ သူငယ်ချင်း အချင်း Private ပြောတာတွေရှိမယ် ။ ဆွေးနွေးတာတွေရှိမယ် ။ ရင်ဖွင့်တာတွေ တစ်ယောက်နဲ့တစ်ယောက် မသိစေ ချင်တာတွေ မသိသင့်တာတွေရှိတယ် ။ ဒါဟာ လူတစ်ဦးတစ်ယောက်ရဲ့ လုပ်ပိုင်ခွင့်နဲ့ Privacy ဖြစ်တယ် ။ အဲဒါကို hack တယ်ဆိုတော့ လူ့အခွင့်အရေး Privacy ကို ချိုးဖောက်တဲ့ ပစ်မှုတစ်ခုပဲ ။ ပုဒ်မ ဘယ်လောက်လဲ မမေးနဲ့ ။ လူရယ်လို့ ကိုယ့်ကိုယ်ကို သတ်မှတ်ရင် ဘာပုဒ်မလည်းဆိုတာ နားလည်လိမ့်မယ် ။ ရန်ငြိုးရန်စ ရှိတယ်ဆိုရင် အဲဒီလူနေရာ ဆီသွားပြီး မကျေနပ်တာကိုရှင်းပါ ။ သူများအကောင့်ကိုသုံးပြီး Friend list ထဲ က လူတွေကို တဟိုင်းဟိုင်းလုပ်မနေပါနဲ့ ။ ရှက်တတ်ရင် ကိုယ့်အရေခွံ ကို ကိုယ်နွှာ သင့်နေပါပြီ ။ အဲဒီလို ဆုံတွေ့ရှင်း လို့ ရန်ငြိုးရန်စ မပြေရင် ယောင်္ကျားချင်းဆို ဓါးနဲ့ ယှဉ်ခုတ်ကြပါ ။ ပုန်းရှိုး ကွယ်ရှိုး နဲ့သူများ အကောင့်ကို သူတပါးသိသည်ဖြစ်စေ မသိသည်ဖြစ်စေ လိုက်ပြီးမခိုးကြပါနဲ့ ။ တစ်ချိန် ကိုယ်လုပ်ခဲ့တဲ့ အကုသိုလ် ကိုယ်ပြန်ခံရပါလိမ့်မယ် ။ အိုကေ ပြောချင်တာ အဲဒီငါးချက်ပါပဲ ။

    အစ်မ အဖြူရောင်နတ်သမီး Facebook account ခိုးယူခံရခြင်းကိုတော့ အလွန်ဝမ်းနည်းရပါတယ် ။ ဗိုင်းရပ်လင့် အနေနဲ့ ဖေ့ဘုတ်က သူငယ်ချင်းတွကို လိုက်ပြီး hi လုပ်နေတယ်သိရပါတယ် ။ အဲဒါဟာ အဖြူရောင် နတ်သမီးအစစ်လုံးဝမဟုတ်ပါဘူး ။ ဗိုင်းရပ်သာလျှင်ဖြစ်ပါတယ် ။ အကောင့် အဲဒီလိုဖြစ်သွား၇တာကို ကိုယ် ချင်း စာပါတယ် ။ တတ်နိုင်သမျှ recover လုပ်ကြည့်ပါဦး ။ ခိုးယူသူက ဂျီမေလ်းရော ဖုန်းတွေး ပါ ပြောင်း လိုက်ပြီဆို ရင်တော့ ပြန်ရဖို့ လမ်းမမြင်တော့ပါဘူး ။ ဘလော့နဲ့ ဂျီတော့ကတဆင့် ဖေ့ဘုတ်အကောင့် hack ခံရေကြောင်း လက်လှမ်းမီသလောက်ကြေငြာပြီး အကောင့်အသစ်ဖွင့်သုံးယုံပါပဲ ။ ကြားရတဲ့သ တင်းတွေအ ရဆိုရင် အစ်မ အကောင့်ကို Facebook Phishing နည်းနဲ့ယူသွားတာဖြစ်ပါလိမ့်မယ် ။

    Blogger များသိထားသင့်သည့်အချက်များ



    Facebook မှာဖြစ်စေ Gmail မှာဖြစ်စေ ငါးမျှားသလို ငါးစာတပ်ပြီး မျှားတဲ့ Phishing နည်းဟာ ရေပန်း အစား ဆုံးပါပဲ ။ လင့် အတုအယောင်တွေပို့ပြီး sign in ၀င်စေခြင်းအားဖြင့် hacker ဆီက log ဖိုင်မှာ ကိုယ့်ရဲ့ပါ့ စ၀ပ်တွေ ပေါ်နေစေမှာဖြစ်ပါတယ် ။ သတိထားမိသူတွေကို့ hack ဖို့မလွယ်ပေမယ့် သာမန်ရိုးရိုး user တွေ ကိုတော့ အဲဒီနည်းနဲ့ hack တာ ခေတ်စားလာပါတယ် ။ နောက်တစ်ခုကတော့ Hacking Software တွေ သုံးတာပါ ။ Password ပြန်ဖော်တဲ့ software တွေကို အဆင့်မြှင့်တင်ပြီး Gmail and Facebook hacking software အဖြစ် အသုံးပြုကြပါတယ် ။ အများဆုံးခံရတာကတော့ ပါ့စ၀ပ်မှာ special character တွေမပါပဲ ရိုးရိုး အင်္ဂလိပ် စာလုံးလေးတွေ ဂဏန်းလေးတွေကို တိုတိုလေးတွေရိုက်ထားသူတွေ ခံရလေ့ရှိပါတယ် ။ ( ကျွန်တော့် လိုပေါ့ ကျွန်တော်အရင်က ပါ့စ၀ပ် အရှည်ကြီးရိုက်ရမှာကို အရမ်း ပျင်းတယ် ) ။ နောက်တစ်နည်းကတော့ နာမည်အ ရမ်းကြီးတဲ့ Key logger ဆော့ဝဲပါပဲ ။ အင်တာနက်ဆိုင်တွေမှာ hacker လို့အမည်ခံချင်တဲ့ ကလေးတွေ က လိုက်တင်လေ့ရှိတယ် ။ ပြီးတော့ ပြန်ဖော်ပြီး ဒီနေ့ ဂျီမေလ်း အကောင့် ဘယ်နှစ်ခု ဟက်လိုက် ပါသည် လို့ ခပ်တည်တည်ကြေငြာတာမျိုးပေါ့ ။

    Blogger များနှင့် User များ လုပ်ဆောင်ထားသင့်သည့်အချက်များ

    ၁ ။ မိမိဂျီမေးလ်ရဲ့setting ထဲက Account setting ထဲဝင်ပြီး ပါ့စ၀ပ်ကို အနည်းဆုံး ၂၈ လုံးအထက်ပြောင်းပါ ။ ( # $ % * & စတဲ့ Special character များပါပါစေ ။ ပါ့စ၀ပ် ၂၈ လုံး အထက် ဆို Hacking software တွေနဲ့ ဟက်လို့ မရဘူးလို့ နည်းပညာသမားတစ်ယောက်က ပြောပြဖူးပါတယ် ။ )

    ၂ ။ Secondary mail ကို ခိုင်မာသော မေးလ်တစ်ခုထည့်ထားပါ ။

    ၃ ။ ကိုယ်သုံးနေတဲ့ မေးလ်က အသက်တမျှ အရေးကြီးတဲ့မေးလ် ( ဥပမာ ဘလော့ဝင်တဲ့မေးလ် ) လိုမျိုးဆိုရင် 2 step verification လုပ်ထားပါ ။ 2 step ရဲ့သဘောက ပါ့စ၀ပ်မှန်အောင် ရိုက်ပြီးတာတောင် ဖုန်းထဲက နံပတ်နဲ့ အဲဒီအချိန်တူအောင်ရိုက်နိုင်မှ ပွင့်မှာဖြစ်ပါတယ် ။ အလွယ်တကူ hack မလွယ်ပါဘူး ။ ၂ ဆင့်ဖြစ်တဲ့အတွက် ပါ့စ၀ပ်သိယုံနဲ့ မလုံလောက်ပဲ ဖုန်းအကူအညီပါမှ ရနိုင်မှာပါ ။ Andriod OS သုံးတဲ့ဖုန်းတွေမှာ လုပ်လို့ရပါတယ် ။ မြန်မာနိုင်ငံမှာလည်းရပါတယ် ။ ကျွန်တော်အခု အဲဒီလိုလုပ်သုံးနေပါတယ် ။ ဂျီမေလ်း ၀င်ခါနီးရင် နည်းနည်းအ လုပ်ရှုပ်တာပေါ့လေ ။ ဒါပေမယ့် ၁၀၀ % စိတ်ချရပါတယ် ။

    ၄ ။ Security Question မှာ တခြားအရာတွေအစား ကိုယ့်ဖုန်းနံပတ် ထည့်ထားပါ ။ Password recover option ထဲက ဖုန်းထဲကို မက်ဆေ့ ပို့ဖို့လည်း ကိုယ့်ဖုန်းကိုထည့်ထားပါ ။

    ၅ ။ Blogger တွေအနေနဲ့ ဘလော့ရဲ့ Admin မေးလ်ကို ဒီကမ္ဘာပေါ်မှာ ဘယ်သူမှ မသိတဲ့ ကိုယ်တစ်ယောက် တည်းသိတဲ့ မေလ်းထည့်ထားပါ ။ အဲဒီမေလ်းကို လူကြားထဲ ချမပြပါနဲ့ ။ အဲဒီမေးလ်ကို 2 step verification လုပ်ထားပါ ။ ပြီးရင် နောက်ဂျီမေးလ်တစ်ခုနဲ့ ကိုယ့်ဘလော့ကိုပဲ Contributor အကောင့်လုပ်ထားပါ ။ ဒါဆိုရင် Contributor အနေနဲ့ ပို့စ်တင်လို့ရမယ် တခြားဘလော့တွေ လျှောက်လည်ကွန်းမန့်ပေးလို့ရမယ် ။ အကယ်၍ လူကြားထဲ ချပြတဲ့မေလ်းအနေနဲ့ မတော်တဆ အဟက်ခံရလည်း ဘလော့မပျက်တော့ပါဘူး ။ Admin မေးလ် နဲ့ဝင်ပြီး အဟက်ခံရတဲ့မေးလ်ကိုထုတ် အသစ်ပြန်ထည့်ယုံပါပဲ ။ ကဲ 100 % စိတ်မချရပေဘူးလား ။

    ၆ ။ Facebook ပဲသုံးသုံး Gmail ပဲသုံးသုံးကိုယ်အရမ်းယုံကြည်ရတဲ့ လူဆီကဖြစ်စေ လင့် တစ်ခုပေးပြီဆိုရင် ဖွင့်သင့်မ ဖွင့်သင့်သေချာစဉ်းစားပါ ။ လင့် အတိုကောက်တွေက ပိုအန္တရာယ်များပါတယ် ။ Phishing link လား virus လား malware လား စဉ်းစားရမှာပါ ။ ကဲ ယုံကြည်လိုက်ပြီ နှိပ်လိုက်လို့ Sign in ၀င်ခိုင်းနေပြီဆိုရင်တော့ ချက်ချင်း သာ ပိတ်ပစ်လိုက်တော့ အဲဒါဟာ Phishing link ကျိန်းသေနေပါပြီ ။ ဂျီမေးလ်တို့ ဖေ့ဘုတ်တို့သည် တစ်ခါကိုယ် sign in ၀င်ထားပြီးသားကို ဘယ်တော့မှ နောက်တစ်ခါ ထပ်မ၀င်ခိုင်းဘူးဆိုတာ အသေမှတ်ထားဖို့ လိုပါတယ် ။

    ၇ ။ အင်တာနက်ဆိုင်မှာ သွားသုံးသူတွေအနေနဲ့ မှာချင်တာက desktop က gtalk icon တွေကို နှိပ်ပြီး မ၀င်ကြပါနဲ့ ။ အန္တရာယ်များပါတယ် ။ My Computer > Local disk C > Program files > Google > google talk .exe ကိုနှိပ်ပြီး ၀င်ကြပါ ။ Mozilla သုံးပြီးရင်လည်း clear recent history နှိပ်ဖို့ မမေ့ကြပါနဲ့ ။ တစ်ခါ အင်တာနက်ဆိုင်သွားသုံးတော့ Privacy ထဲက show password ကိုနှိပ်ကြည့်လိုက်တာ ဂျီမေးလ်အကောင့် ၅၀ လောက်ရဲ့ ပါ့စ၀ပ်တွေ မှတ်ထားတာတွေ့ရတယ် ။ ကျွန်တော်အံ့သြသင့်သွားပြီး အကုန်ပြန်ဖျက်ပေးခဲ့တယ် ။ ကျွန်တော်စက်တိုင်းကို လိုက်ဖျက်မပေးနိုင်ပါဘူး ။ အဲဒီလောက် မ အ ကြပါနဲ့ ။

    ဒါတွေအားလုံးဟာ ဂျီမေးလ်အကောင့် ၂ ခု အဟက်ခံရပြီးနောက် လေ့ာပြီး သိရှိလာတဲ့ အဖိုးမဖြတ်နိုင်တဲ့ သင်ခန်း စာတွေပါ ။ စာလည်းရှည်သွားပြီမို့ ဒီမှာတင်ရပ်နားပါရစေ ။ အစ်မ အဖြူရောင်နတ်သမီးရေ ကိုယ်လုပ် တဲ့ အရိပ်က ကိုယ့်နောက်လိုက်နေမှာပါ ။ သူတို့လည်းသူတို့ ရွေးချယ်ကြပါလိမ့်မယ် ။ သူတို့ စိုက်ပျိုးတဲ့အသီး သူတို့ ပြန်လည် ရိတ်သိမ်း ရပါလိမ့်မယ် ။ ဖိုက်တင်း...... Angel !!!

    ( ဒီစာလေးကိုလည်း တတ်နိုင်သမျှ လက်ဆင့်ကမ်း ပေးကြစေလိုပါတယ် ။ )

    သက်တန့်ချို
    22 August 2011

    နတ်သမီးဗိုင်းရပ်စ်အကြောင်းကို ကိုလင်းဦး ဆိုက်မှာ သွားရောက်ဖတ်ရှုနိုင်ပါတယ် ။

    စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်.......................

    You might also like:

    Wednesday 3 August 2011

    ကရင် ရိုးရာ စုပေါင်းချည်ဖြူဖွဲ့မင်္ဂလာပြုပွဲ

      ကရင်ရိုးရာ ချည်ဖြူထုံးဖွဲ့မင်္ဂလာအကြောင်း


    ကရင်လူမျိုးတို့ အမြတ်တနိုး ထိန်းသိမ်းသော ရိုးရာဓလေ့အနက် ချည်ဖြူဖွဲ့မင်္ဂလာ ပြုခြင်းသည် တစ်ရပ်အပါအ၀င်ဖြစ်သည်။

    ကရင်လူမျိုးတို့သည် တိဗက်ကုန်းပြင်မြင့်မှ ဆင်းသက်လာရာတွင် ရေကြည်ရာမြက်နုရာ အရပ်ဒေသ
    သို့   ရှာဖွေရာ၌ အစဦးတွင်  တစ်အုပ်စုတည်း  ဆင်းသက်လာသူတို့က    နောင်အခါတွင် အုပ်စုများ ခွဲထွက်ကြလေသည်။

    ထိုသို့ အုပ်စုများခွဲထွက်ရာတွင် နောင်အခါ ပြန်လည်တွေ့ဆုံသည့်အခါ သော်လည်ကောင်း၊ တစ်အုပ် စုနှင့်တစ်အုပ်စု ဆုံတွေ့ကြ၍လည်ကောင်း အချင်းချင်း သိရှိမှတ်သားနိုင်ရန် လက်တွင် ချည်ဖြူများဖြင့် အမှတ်အသား ချည်နှောင်ထားကြသည်။ ထိုသို့ လက်တွင် ချည်ဖြူဖြင့် အမှတ်အသား ချည်နှောင်ထား
    ရာမှ မျက်မှောက်တွင် လက်ချည်မင်္ဂလာပြုခြင်း တည်ရှိလာခဲ့ကြသည်ဟုအဆိုရှိကြသည်။

    ကရင်လူမျိုးများသည် ရေကြည်ရာ၊ မျက်နုရာ မြန်မာပြည်သို့  ဆင်းသက်ထွက်ခွာ လာကြသည့်အခါ အုပ်စုခွဲ၍ မောဝ်-ထါ် (အမိဘက်)၊  ဖါ-ထါ် (အဖဘက်)အုပ်စုနှစ်စု ဖြစ်ပေါ်ခဲ့ကြသည်။ ထို့ သို့  အုပ်စု
    မကွဲ မှီကတည်းက ကရင်အမျိုးသားတို့ သည် တစ်ဦးနှင့်တစ်ဦး ပြန်လည်မှတ်မိစေရန်နှင့် အချင်းချင်း
    အသိအမှတ်ပြု စောင့်ရှောက်နိုင်ရေးကို ရည်ရွယ်ပြီး (၁) ဖူ့ထိုဝ်မဲပါ၊  (၂) ဖူ့က်ုဆင့်မဲပါ၊  (၃) ဖူ့ဒ္ဂေတ်၊
    (၄) ဖူ့ကျာပံင်၊ (၅) ဖူ့လျေင်.ဃှယ့်၊ (၆) ဖူ့မါန်ထ၀့်၊ (၇) ဖူ့ဖါ့သိင်း၊ (၈) ဖူ့တ်ုကုံ့၊ (၉) ဖူ့ဖႜးသူရေင့် စသည့် ကိုးယောက်သောခေါင်းဆောင်များက မိမိတို့ ၏  လက်ကောက်ဝတ်အသီးသီးတွင် အမှတ်အသားဖြင့် ချည်ဖွဲ့နှောင်ပေးခဲ့ကြသည်။

    ရှေးအခါက ကရင်လူမျိုးတို့သည် တောင်ယာနှင့်လယ်ယာကို အဓိကထား၍ အသက်မွေးဝမ်းကျောင်း
    ပြုကြသည်။ မိုးဦးကျ၍ တောင်ယာနှင့်လယ်လုပ်ငန်းကို သူသူငါငါ လုံးပမ်းးနေချိန်တွင် တစ်ဦးနှင့်တစ်
    ဦး အိမ်ထောင်စုတစ်ခုနှင့်တစ်ခု တစ်ရွာနှင့်တစ်ရွာ တွေ့ဆုံနိုင်ရန်  မလွယ်ကူတော့ချေ။ လယ်များကို ထွန်ယက်ပြီး စိုက်ပျိုးပြီးသည့်  ၀ါခေါင်လတွင် ခေတ္တ  အားလပ်ကြ၍ အချင်းချင်း  တွေ့ဆုံနိုင်ကြရန် အကောင်းဆုံးအချိန်ဖြစ်သည်။   သို့ကြောင့်ပင်   စုပေါင်းမင်္ဂလာလက်ချည်ခြင်းကို   ၀ါခေါင်လတွင်
    ရွေးချယ်၍ ခင်းကျင်းကြလေသည်။ ၀ါခေါင်လ လက်ချည်ခြင်းကို ရှေးကရင် လူကြီးများက ကြီးမား
    သော ရည်ရွယ်ချက်များ ထားရှိပေသည်။



    ၀ါခေါင်လရောက်လျှင် ကွဲကွာနေသော ဆွေမျိုးစုများ ပြန်လည်တွေ့ဆုံရေး၊ မိသားစုများပြန်လည်စု
    စည်းရေး၊ အချင်းချင်း ချစ်ကြည်သွေးစည်းမှု ခိုင်မြဲရေး၊  လူငယ်လူရွယ်များကို  လူကြီးသူမများက ဆိုဆုံးမစကား ပြုနိုင်ရေးကို အဓိကရည်ရွယ်၍ စုပေါင်းလက်ချည်မင်္ဂလာပြုကြလေသည်။

    ကရင်လူမျိုးတို့သည် စုပေါင်းနေထိုင်ခြင်း၊ စုပေါင်း၍ လုပ်ကိုင်ခြင်းစားသောက်နှင့် ကြုံတွေ့ရသော
    ဘေးအန္တရာယ်ကို စုပေါင်း၍ တွန်းလှန်ကာကွယ် လေ့ရှိသလို ၀ါခေါင်လရောက်လျှင် ကရင်လူမျိုး အိမ်ထောင်စုတိုင်း ၀တ္တရားမပျက်လက်ချည်ကြသည်။ ၀ါခေါင်လတွင် တစ်ရွာလုံး၊ တစ်နယ်လုံးစု
    ပါင်း၍ လက်ချည်းခြင်းဖြစ်ရာ ၀ါခေါင်လလက်ချည်ခြင်းဟူ၍ ခေါ်ဝေါ်သမုတ်ကြသည်။

    ၀ါဆိုလလွန်၍ ၀ါခေါင်လရောက်လာလျှင် စားသုံးရန်ရိက္ခာများ လျော့နည်းလာ၏။ အိမ်ထောင်စု
    အလိုက်၊ ရွာအလိုက် တောင်ယာလယ်ခင်းမှ သီးနှံများမပေါ်မီအထိ ရိက္ခာများမပြတ်စေရန် လိုအပ် လာသည်။

     ထိုသို့ ရိက္ခာများချွေတာ စားသောက်ရေးကို လူကြီးများကသတိပေးကြသည်။ ထိုအတူ ၀ါခေါင်လ
    သည်မိုးသည်းထန်စွာရွာသွန်း၍အအေးဓါတ်လည်းလွန်ကဲနေသည်။ ချောင်းရေ၊ မြစ်ရေများလျှံ၍
    ရေကြီးတတ်သည်။ ထိုအခါ ရောဂါများထူပြော၍ မမာမကျန်းဖြစ်လာတတ်ပေသည်။

    အချို့က ၀ါခေါင်လသည် အေးသောရာသီဖြစ်၍ ပတ်ဝန်းကျင်တွင်အေးပြီး အတွင်းဝမ်းမီးတောက်၍ စားသမျှအဟာရကြေလွယ်ပြီး ခံတွင်းမြိန်စားသောက်ကောင်းခြင်းကို ဘီလူး သဘက်များ၊ မကောင်း ဆိုးဝါးများ ၀င်စားသည်ဟု ထင်ရလောက်အောင် အစားအစာကုန်ခြင်းကို "လာဖူ့၊ လာဏား" မကောင်း ဆိုးဝါးလဟူ၍ မှတ်ယူကြသည်။




    ကရင်ရိုးရာ လက်ချည်ခြင်းကို အရှေ့ပိုးကရင်အခေါ်အားဖြင့် "ခိုင်စူး" ဟူ၍ခေါ်ကြသည်။ "ခိုင်" မှာ မင်္ဂလာပြုသောချည် ဖွဲ့နှောင်ခြင်းဖြစ်ပြီး "စူး" မှာလက်ကိုခေါ်ခြင်းဖြစ်သည်။ အဓိပ္ပါယ်မှာချည်ဖြူဖြင့် လက်ကိုရစ်ပတ်ချည်နှောင်ပြီး မင်္ဂလာပြုခြင်းဖြစ်သည်။ မင်္ဂလာပြုခြင်းအဖြစ် လက်ချည်ခြင်းရှိသလို ရိုးရာကုထုံးများအဖြစ် လက်ချည်ခြင်းလည်းရှိသည်။

    ယခုအခါ ရိုးရာကုထုံးအဖြစ်လက်ချည်ခြင်းသည် တဖြည်းဖြည်း တိမ်ကောမှေးမှိန်လာလျက်ရှိသည်။ ကရင်ရိုးရာလက်ချည်ခြင်းသည် ယေဘုယျအားဖြင့် သုံးမျိုးသုံးစားရှိသည်။ ထိုသုံးမျိုးသုံးစားသည် အခြေအနေ အချိန်အခါကိုလိုက်၍ ပြုလုပ်လေ့ရှိသည်။ ယင်းတို့မှာ...(၁) လိပ်ပြာခေါ်လက်ချည်ခြင်း (လာဟှာခါင်စူး)၊ ထိမ်းမြားမင်္ဂလာ လက်ချည်ခြင်း (အ်ှဃှုက်တာင်ဃှေဝ် ဆ်ုခါင်စူး)၊ (၃) ၀ါခေါင်လ လက်ချည်ခြင်း (လာခုဂ်ခါင်စူး) ဟူ၍ဖြစ်သည်။

    လက်ချည်ခြင်းပြုရာတွင် ဒေသကိုလိုက်၍သော်လည်ကောင်း၊ ပတ်ဝန်းကျင်ထိတွေ့မူအရ နွယ်စပ် လာ၍သော်လည်ကောင်း၊ လုပ်နည်းလုပ်ဟန်များ၊ အယူအဆများ အနည်းအကျဉ်း ကွဲလွဲနေ တတ် သည်ရှိသော်လည်း လက်ချည်ခြင်းရည်ရွယ်ချက်မှာ အတူတူပင်ဖြစ်သည်။ အနှစ်သာရအားဖြင့် တူညီလျက်ရှိသည်။

    ချည်ဖြူဖွဲ့မင်္ဂလာ အဆောင်အယောင်ပစ္စည်းမှာ (၉) မျိုးရှိ၍ ၄င်းတို့၏ အဓိပ္ပါယ်မှာ-
    (၁) ဆန်ကော၊ (၂) ယောက်မ၊ (၃) ချည်ဖြူ၊ (၄) ကြံ၊ (၅) ငှက်ပျောသီး၊ (၆) ထမင်းဆုပ်၊ (၇) ကောက် ညှင်းထုပ်ဖင်ချွန်၊(၈)နတ်ပန်းညို(ဖ၀့်ဝီ)၊(၉)ရေစသည်တို့ဖြစ်ပါသည်။



    (၁)ဆန်ကော
    ဆန်ကောသည် ၀ါးနှင့်ယက်လုပ်ထားခြင်းဖြစ်သည်။ ရှေးအခါက ကရင်လူမျိုးတို့သည် အိုးအိမ်ကို ၀ါးဖြင့် ဆောက်လုပ်ကြသည်။ အိမ်သုံးပစ္စည်းကို သဘာ၀၀ါးပင်နှင့်ယက်လုပ်၍ အသုံးပြုကြသည်။ ထို့ကြောင့် ယက်လုပ်ခြင်း လက်မူအတတ်ပညာကို လက်ဆင့်ကမ်းပြီး ထိန်းသိမ်းရမည်ဟူ၍ဖြစ်သည်။

    (၂)ယောက်မ
    အချို့သော လူငယ်လူရွယ်တို့သည် စိတ်မြန်၊ လက်မြန်ရှိကြပြီး ဓါး၊ လှံစသည်တို့ကိုထုတ်ပြီး တစ်ယောက်နှင့်တစ်ယောက် စိတ်လွဲမှားမူမျိုးမရှိရအောင် အေးချမ်းစွာ ညှိနှိုင်းတိုင်ပင်ပြီး ပြော
    ဆိုရ မည်ကို ယောက်မနှင့်ခေါက်၍ နှိုင်းပြထားခြင်းဖြစ်သည်။ ယောက်မသည် ပူလောင်ခြင်းကို ဒဏ်ကိုခံရည်ရှိရာ ထမင်းဟင်းလျာများချက်ရာတွင် လိုသလိုမွှေပြီး အသုံးပြုခြင်းဖြစ်သည်။

    (၃)ချည်ဖြူ
    ၀ါဂွမ်းစေ့ကို တစ်လုံးချင်းစုစည်းပြီး မြဲသောလက်ဖြင့် ဂွမ်းကိုကျစ်ပြီး လူမျိုးအားလုံးသည်လည်း ချည်ဖြူ
    ကဲ့သို့ ကျစ်လျစ်ခိုင်မြဲရမည်ဟူ၍ဖြစ်သည်။ အဖြူသည် စင်ကြယ်သန့် ရှင်းသည့် သရုပ်ကို ဆောင်သည်။ သားသမီးမြေးမြစ်များ၏ ကံကြမ္မာဆိုးများ ကျရောက်ခြင်းများ ဖြစ်ရှိလျှင်ကာကွယ် ပြေပျောက်စေရန် အတွက်ဖြစ်သည်။

    (၄) ကြံ
    ကြံသည် ထူးခြားသည့်ဝိသေသ ရှိပါသည်။ ကြံအား အပွင့်အသီးမှ စိုက်ပျိုးမျိုးပွားရခြင်း မဟုတ်ဘဲ၊ ၎င်း၏ပင်စည်မှ အမြစ်တွယ်အပင်ပေါက်ပွားများ လာခြင်းဖြစ်သည်။ ကြံပင်အား အရင်းမှ ခုတ်ထစ် ပိုင်းဖြတ် သော်လည်း ကျန်ရစ်သည့် အပင်ငုတ်မှ အပင်သစ်ဖြစ်ကာ ကြီးထားပွားများ လာနိုင်ပါသည်။

    အဆစ်တိုင်းအဆစ်တိုင်းတွင် အမြစ်ပေါက် စိုက်ပျိုး ကြီးထွားရှင်သန်လာနိုင်ပါသည်။ အခြားသောဝိသေသတစ်ခုမှာလည်း ရာသီဥတုဒဏ်ကို ကြံကြံခံ နိုင်ပြီး နွေ၊မိုး၊ဆောင်း ရာသီစုံ၌ပင် ၎င်းပင်ကိုယ်အရည်အသွေးဖြစ်သော အချိုဓါတ်အရသာမပျက်ဆီးနိုင်ချေ။ အစဉ်ချိုမြိန်သည့်အရသာ ကို ပေးနိုင်စွမ်းသည်သာ ဖြစ်သည်။

    (၅)ငှက်ပျောသီး
    ငှက်ပျောသီး၏ ဖြစ်စဉ်ကဲ့သို့  နေထိုင်အားထုတ်ရန် ရည်ရွယ်ပါသည်။ ငှက်ပျောတစ်ပင်ဖြစ်စဉ်ကို
    ဆန်းစစ် ပါက ပင်စည်အား ထိုးဖေါက်၍ပင်စည်ထိပ်ဖျားမှ ငှက်ပျောဖူး ကျသည်။ ၎င်းအဖူးမှ အဖီး လိုက်ပြူထွက်သည်၊ တစ်ဖီး ခြင်းညီညာစွာ ထွက်ပေါ်ပြီး အဖီးနှင့် အသီးများသည် စည်းကမ်း ကျန
    စွာဖြင့် စီတန်းကြီးရင့်လာကြသည်။ ငှက်ပျောတစ်ခိုင်လုံးအားလည်း အစွယ်တစ်ချောင်းတည်းမှ ဖျာ
    ဆင်းပြီး အစွယ်အနေနှင့်လည်း ပင်စည်ကို မှီတွယ်ထားသည်။ ငှက် ပျောတစ်ပင်သည် တစ်ကြိမ်သာ သီးသည်။ ဂုဏ်သတ္တိ အားဖြင့်လည်းကောင်း၊ အရင်အထိ ခုတ်ပိုင်းဖျက်ဆီးသော်လည်း အချိန်တန်
    လျှင် အပင်ငယ်များ ထိုးထွင်း ပေါ်ပေါက်လာသည်။ ဆိုလိုသည်မှာ ငှက်ပျောသီး၏ ထူးခြားသည့်
    ဂုဏ် ပုဒ်ကဲ့သို့  စုစည်းညီညာပြီး သစ္စာခိုင်မြဲ သော၊ စည်းကမ်းသေသပ်သော၊ သားသမီး မြေးမြစ် များဖြစ်စေရန်ရည်ရွယ်ခြင်းဖြစ်သည်။

    (၆)ထမင်းဆုပ်
    ထမင်းဆုပ်ကဲ့သို့  ပေါင်းစည်းညီညွတ်ကြရန်ဖြစ်သည်၊ ထမင်းသည် နဂိုမှုလအတိုင်း ထားရှိခြင်းထက် ကျစ်ကျစ်လှစ်လှစ်ဆုပ်၍ တဆုပ်ခြင်းထားခြင်းက လွယ်လင့်တကူ ပျက်ဆီးခြင်း၊ ပုတ်သိုးခြင်း၊ မဖြစ်  ပေါ်နိုင်ချေ။ မပုတ်မသိုး မပျက်စီးရန်အတွက် ထမင်းဆုပ်ကဲ့သို့ ကျစ်လစ်စုစည်းပါရန် ရည်ရွယ်ဖေါ်ပြခြင်းဖြစ်ပါသည်။

    (၇)ကောက်ညှင်းထုပ်ဖင်ချွန်
    ကောက်ညှင်းသည် အလွန်တရာမှ စေးကပ်သည့် စားဖွယ်ရာ တစ်ခုဖြစ်သည်။ ဖင်ချွန်ထုပ် စည်းထား
    သဖြင့် လွန်စွာမှပင် ကျစ်လစ်စေးကပ်စုစည်းနေပြီး ပြုပြင်ထားသည်မှာလည်း သာမန်မဟုတ်ဘဲ အချွန် အထက်အဖြစ် ဖန်တီးထားသည့် ရည်ရွယ်ချက်မှာ ကောက်ညှင်းဖင်ချွန်ကဲ့သို့  ကျစ်လစ် စုစည်း ၍ ထက်မြက်ထူးချွန်သူများ ဖြစ်ရှိအောင် ကျင့်ကြံအားထုတ်ရန်ကို ဆိုလိုပါသည်။

    (၈)နတ်ပန်းညို(ဖ၀့်ဝီ)
    နတ်ပန်းညိုပန်းအမျိုးအနွယ်သည် အခြားအခြားသော ပန်းမျိုးနွယ်ကဲ့သို့  မဟုတ်ချေ။ ပန်း၏သဘာဝ
    အရ ပန်းများသည် ရေလောင်းပေးနိုင်ပါက အပင်ရှင်သန်ဖူးပွင့်သော်လည်း အချိန်အခါတန်ပါက အပွင့်ကြွေနွမ်း ခြောက်ရ သည်သာ ဖြစ်သည်။ နတ်ပန်းညိုမှာမှု အမြစ်တွယ်ရာတွင် အပင်ပေါက်၍
    ရုံဖွဲ့ မျိုးဆက်ပျံ့ ပွားနိုင်ပြီး အတောသတ်မှု မရှိချေ။

    ရေလောင်းပေးနိုင်သရွေ့  နွေ၊ မိုး၊ ဆောင်း ရာသီးပြည့် ရှင်သန်ကြီးထွားမှုရှိသည်။ အထူးသဖြင့် နတ်ပန်းညိုပန်း(ဖ၀့်ဝီ๏)ကဲ့သို့ပင် ကရင်လူမျိုးများသည် မိမိရောက်ရှိသည့် နေရာဒေသတွင် အတည် တကျ နေထိုင်စားသောက်ကြရင်း မိမိအမျိုးသားယဉ် ကျေးမှုများနှင့် ရိုးရာဓလေ့များကို မြှင့်တင် ထိန်း သိမ်းပေးနိုင်ပြီး မျိုးဆက်သစ်များအား မွေးထုတ် ပေးနိုင်ရန်အတွက်ရည်ရွယ်ခြင်းဖြစ်ပါသည်။

    (၉)ရေ
    ရေကြည်အေးကဲ့သို့  သားသမီးမြေးမြစ်များ အေးမြကြည်လင်ပါစေဟူသော ယုံကြည်ချက်ဖြစ်သည်။
    ရေ၏ စွမ်းပကားသည် ကြီးမားလှပြီး သက်ရှိ   သတ္တ၀ါအပေါင်းမှ   မှီခိုအားထားနေရ သည့်အရာဖြစ် သည်။ ဟောင်း နွမ်းညစ်ပေနေသည့်စိတ်ဓါတ်များကို ရေကြည်အေးနှင့် ဆေးကြောသန့် စင်ပြီး ဆက်လက်၍ ရေကြည်အား သောက်သုံး ခြင်းဖြင့် ကုန်ခန်းနေသည့် အားအင်များ ပြန်လည် ပြည့်ဝစေခြင်းဖြစ်သည်။

    လက်ချည်ရာတွင် ဆန်ကောတစ်ခုခုပေါ်တွင် ယောက်မ၊ ထမင်းခုနှစ်ဆုပ်၊ ကောက်ညှင်းထုပ်ဖင်ချွန် ခုနှစ်ထုပ်၊ ငှက်ပျောသီးမည့်ခုနှစ်လုံး၊ ကြံခုနှစ်စိပ်၊ နတ်ပန်းညို(ဖ၀့်ဝီ) ခုနှစ်ခက်နှင့်   ရေကြည်အေး တစ်ခွက်ကို ချထားလေသည်။ ထိုအရာဝတ္ထုပစ္စည်းများပေါ်တွင် အရှည်တစ်တောင်ကျော်ခန့် ချည်ဖြူ များကိုဖြတ်ပြီး ဖြန့်စီထားလေသည်။

    လက်ချည်ခံမည့်လူသည် လက်နှစ်ဖက်လက်ဝါးကို ဖြန့်ပြီးဆန့်ထားရသည်။ လက်ဝါးပေါ်တွင် ထမင်း တစ်ဆုပ်၊ ကောက်ညှင်းတစ်ထုပ်၊ ငှက်ပျောသီးတစ်လုံး၊ ကြံတစ်စိပ်နှင့် နတ်ပန်းညိုသုံးခက်ကို ကိုင်ထား ရသည်။

    လက်ချည်ပေးကြမည့် ပုဂ္ဂိုလ်များသည် လက်ချည်ခံသူ၏လက်ကို ညင်သာစွာကိုင်ယူပြီး ချည်ဖြူတစ်ပင်
    ကို အလယ်တည့်တည့်တွင် ရေအနည်းငယ်ဆွတ်လိုက်သည်။ ထို့နောက်တွင် မကောင်းသောအရာများ ကျသွားစေရန် လက်ကောက်ဝတ်တွင် ချည်ဖြူဖြင့် သုံးခါသပ်ချပေးလိုက်သည်။ ထိုသို့ ပြုပြီးနောက်တွင် ချည်ဖြူဖြင့်လက်ကိုဦးစွာ ညာလက်တွင်ရစ်ပတ်ပြီး အောက်ပါအတိုင်း ဆုတောင်းပေးကြသည်။



    ပလူး- "လိပ်ပြာကလေး ပြန်ခဲ့ ပြန်ခဲ့။ မိဘ ညီအစ်ကို မောင်နှမများနှင့် ပျော်ရွှင်ချမ်းမြေ့စွာနေထိုင်ရန်
    ပြန်ခဲ့။ မနေအပ်သောအရပ်၊ မသွားမလာသင့်သောအရပ်။ သုသာန်တစပြင်နှင့် မကောင်းဆိုးဝါးတို့ ကျက်စားရာနေရာများမှရှောင်ထွက်၍။ မကောင်းသောမိစ္ဆာ၊ မိန်းမပျက်၊ မိန်းမယုတ်တို့၏ ဖျားယောင်း
    သော စကားကို မယုံကြည်ပါနှင့်။ မိဘနှစ်ပါး၊ အဘိုးအဘွားတို့ကို အလုပ်အကျွေးပြုရန် အဘိုး၏ ဖား
    စည်ကို တီး၊ အဘွား၏ပလိုင်းကိုလွယ်ရန် ပြန်ခဲ့။ အိမ်ကြီးပေါ်မှာ စံစားနေခြင်းဖြင့် ကျောက်သား
    အလား မာကျောခြင်း၊ မြှားကဲ့သို့လျှင်မြန်ခြင်း၊ ကျောက်သားကိုချေ သံကိုခွေနိုင်သည့် ခွန်အားတို့ဖြင့် ကျန်းမာစေပြီး၊။ သားသမီးတကျိတ်၊ မြေးတစ်ရာနှင့် မိဘဆွေမျိုးဘက်မှ ညီအစ်ကိုသားချင်းများ တစုတဝေးနေထိုင်၍ ပြန်ခဲ့ပါ။ ပလူး ပြန်လာ ပြန်လာ ပြန်ခဲ့ပါ" ဟူ၍ဆုတောင်းကြသည်။

    လက်ချည်ဆုတောင်းခြင်းကို ပြုပြီးသည်နှင့် ချည်ဖြူကိုသပ်ချည်လိုက်ပြီး အစနှစ်ဖက်ကို ဆွဲဖြတ် ယူလိုက်သည်။ ထိုချည်ဖြူစများနှင့်အတူ ထမင်း၊ ကောက်ညှင်းတို့ကို အနည်းငယ်ဖဲ့ယူပြီး ပန်းတစ်
    ခက်နှင့် လက်ချည်ခံသူ၏ ငယ်ထိပ်တွင်တင်ပေးလိုက်သည်။ ပြီးနောက်တွင်  "ဤချည်ဖြူကဲ့သို့ ဆံပင်များဖြူဘိအလား အသက်ရှည်စေသား" ဟူ၍ နောက်ဆုံး ဆုတောင်းပေးလေသည်။

    (ဆုတောင်းပေးရာတွင် တတ်မြောက်သူတို့က တတ်မြောက်သည့် အလျောက် ဆိုကြသည်။
    အချို့ကလည်း လိုရင်းကိုသာ တိုတိုတုတ်တုတ်နှင့် ဆုတောင်းပေးကြသည်)

    ထိုအခါ လက်ချည်ခံရသူသည် မိမိခေါင်းပေါ်တွင် လက်ချည်သူ၏ ဆုတောင်းစကားကို ဦးထိပ်ပန် သည့်သဘောဖြင့် ထိုအတိုင်းထားလေသည်။ ယင်းနောက်တွင် လက်ဝါးနှင့်ခံယူပြီး ဆန်ကောပေါ် တွင် ပြန်ချထားလိုက်သည်။

    လက်ချည်ပေးခြင်း တစ်ဦးပြီးတစ်ဦး ချည်ပေးပြီးနောက်တွင် လက်ချည်ပွဲအတွက် စီမံပြုလုပ်ထား
    သော လက်ချည်မင်္ဂလာ ကောက်ညှင်းထုပ်ကို တပျော်တပါး စားသောက်ပြီး ၀ါခေါင်လက်ချည်ပွဲ ပြီးမြောက်သွားလေသည်။ မျက်မှောက်ခေတ်တွင် ၀ါခေါင်လ ပြည့်နေ့ကြရောက်တိုင်း ပိုးကရင်လူ
    ငယ်များ စုစည်းဦးဆောင်၍ စုပေါင်းချည်ဖြူဖွဲ့မင်္ဂလာပြုပွဲကို အစဉ်အလာမပျက် နှစ်စဉ်ကျင်းပလေ့
    ရှိပြီး ရိုးရာဓလေ့ကောင်းတစ်ရပ်ကို အမြတ်တနိုး ထိန်းသိမ်း ဖော်ထုတ်မြှင့်တင်လျက် ရှိနေပေသည်။

    ကူးယူ ဖေါ်ပြသော ဘလော့ ဖြစ်ပါသည်.